رواية اخويا _كاااااامله

مراتي المچنونة دي علي اد عقلها واستلمت شغلي هناك وبصراحة فلوسه كانت حلوه وكتيرة ومن اول شهر بعت مبلغ كبير لهدي واول ما اتصلت بيها لقيتها بتقولي
هدي
الغربة وحشة واد ايه البيت وحش من غيرك
طارق
انتي عايزة فلوس ومستوي عالي وبعدين 
خلاص انا سافرت وبلاش منه الكلام دا انا بعتلك مبلغ كبير اكشفي ليسرا عند دكتور تغذية كويس وجددي البيت وحاولي توفري لو عايزه يعني
هدي 
انا هاكشف ليسرا وخلي بالي مالعيال بس مش هاعمل اي حاجة غير لما تيجي نعمل كل حاجة سوا.
_وبعد ما قغلت معاها افتكرت ايام الخطوبة واد ايه كانت بتحبني ممكن يكون معاها حق عايزة تعمل مستقبل ليها ولاولادها يالا ربنا يهون كل صعب وبعد شهرين جوز هناء صاحبة هدي ربنا افتكره ولما راحت هدي عندها لقيتها حزينة اوي وقالتلها

هدي
شدي حيلك ياهناء
هناء 
انا مليش حد غيره انا واولاده
هدي 
معلش وبعدين مامن مستقبلك انتي واولاده
هناء 
مش عايزة فلوس ولا اي حاجه
هدي 
غريبة ياهناء دا انتي ماكانش معاكي سيرة غير ان الواحد لازم يعمل مستقبل لاولاده
والفلوس اهم حاجة
هناء
كنت غلطانة معرفتش قيمة جوزي غير دلوقتي لما كان بدخل علينا واولاده بيجروا عليه وياخدهم في  لما عيل بيتعب ويخرج بيه عالدكتور ويبقي خاېف عليه لما نتلمي عالسفرة وناكل مع بعض وعيالي الضحكة مابيتفرقش وشهم
_هناء كان بتقول الكلام دا وهدي كانت حاسة بيه علي نفسها وخصوصا اني مش موجود لامعاها ولا مع العيال وقالتها هناء
هناء
انا السبب ياهدي انا اللي كنت هات وهات ولازم نجيب دا و دا و دا عالطول بتخانق معاه 
وفضلت ټعيط اوي وهدي قالت
هدي 
طيب خلاص دلوقتي اللي حصل لازم تمسكي نفسك اكتر من كدا عشان اولادك
هناء
اكتر حاجة واجعني ان اخر حاجة حصلت بينا خناقة وقالي انه كره اليوم اللي اتجوزني فيه وانا قولتله كلام جرحه اوي وانتهت حكايتي مع جوزي وابو عيالي علي كدا
هدي شافت نفسها مكان هناء صاحبتها وقالت لنفسها 
ايه اللي انا عملته عايزة اضيع جوزي حبيبي لا لا لازم يرجع جنبي وجنب عياله وروحت البيت وهي متغيرة وزعلانة علي اللي كانت بتعمله معايا وامي كانت في البيت وقالتلها
ام طارق 
كل دا زعل علي صاحبتك
هدي 
لا والله زعل علي نفسي
ام طارق 
وانتي مالك هتزعلي علي نفسك ليه
هدي 
علي المشاكل اللي كانت بيني وبين طارق وازاي اسيبه يبعد عن بيته واولاده
ام طارق 
اخيرا عقلتي يا مچنونة
هدي
عقلت متاخرة
ام طارق 
ولا متاخرة ولا حاجه اول ما يرجع طارق ماتخليهوش يسافر تاني يابنتي
هدي
بتقوليلي يابنتي
ام طارق 
مش ام احفادي اهو كل واحد يستحمل بلوته بقي هنعمل قضاء الله وقدره
ضحكت هدي وقامت خضنتها وقالت 
حقك عليا ياماما مش هازعل منك تاني عشان خاطر طارق جوزي
ام طارق 
اسمعي يا هدي انتي ملكيش حد غير جوزك وهو ملوش غيرك انتي وعياله حافظي عليه وعلي بيتك ومش كل حاجه الفلوس والمناظر فهمت يا هبلة
هدي
فهمت والله ماهخلي يبعد عننا تاني
وفضلت مستنية ارن عليهم واول مارنيت
طارق
الو ازيك يا هدي عاملة اية
هدي 
تعبانة اوي من غيرك
طارق
طيب ماتروحي تكشفي 
ماكنتش واخد بالي ان الكلام رومانسي
ردت عليا هدي
انت وحشتني اوي يا طارق
طارق ابتسم
يا سلام ايه الرومانسية دي
هدي
سامحني ياطارق علي اللي عملته معاك
طارق 
والله فيكي حاجه غريبه هما العيال كويسين
هدي 
ايوة زي الفل بس يسرا لسة هياخد وقت عشان الانميا تمشي خالص منها
طارق
طيب امي فين
هدي 
ماما نايمه
طارق
هي مين ماما امي انا
هدي 
ايوة امك انت هي امي انا ومش هازعلها تاني عشان خاطرك
طارق 
والله العظيم مش طبيعي في ايه
هدي 
هو دا الطبيعي بس انا اللي ماكنتش عارفة قيمة جوزي غير لما بعد عني وعن عياله
طارق
علي كدا يا ريتني سافرت