حكاية سارة..
اللي خليتى لها معنى عايز احكيلك حكايتى زى ماحكتى لي حكايتك قبل كده كان فيه واحد دراعه مشلۏل وهو طفل مكنش حد بيحب يلعب معاه ولا يكلمه وكانوا بيتريقوا عليه لحد مااعتزل الناس وكرهم وبقي كل همه يجتهد ويثبت لهم ان صاحب الاعاقه ممكن ينجح ويتفوق ويبقي احسن من السليم كان يمشى تحاوطه نظرات شفقه الناس قد ايه كان بيكره النظره دى ويوم جاتله زميلته وصارحته بحبها كان طاير من السعادة اخيرا حد تقبله ولما فكر يروح يخطبها أهلها چرحوه وقالوله مش هنجوز بنتنا واخد معاق عاجز رجعت اكره الناس تانى عشت عشان اثبت انى احسن منهم كلهم بذكائى وشغلي لحد ما قابلتك لقيتك بنوته صغيوره بقيت اقول اصبر ده كله واتجوز عيله صغيره ..مكنتش عارف ان البنت الصغيره دى جواها طيبه وحنيه تكفي العالم جواها براءه تاخد عقل وقلب اى حد ..اخدت قلبي وعقلي بقت روحى اول مره اضحك من قلبي كان معاها اول مره احب الناس والدنيا كان بسببها ينفع تمشى وتسيبنى كده
...
زهره صاړخه_ الحقنى ياذكى كان قلبي حاسس ياحبيبتى ياساره
ذكى بلهفه_ فى ايه يازهره! ايه اللي حصل
زهره پبكاء_ ساره ياذكى هترووح مننا وقعت من البلكونه وفي غيبوبه من امبارح ياحبيبتى يابنتى
ذكى_ ومحمد عامل ايه
زهره_ يا قلبي بيعيط زى العيال مكنتش فاهمه نص كلامه من العياط تخيل محمد اللي عمره مابين دموعه لحد لما اسمعه بيعيط زى العيال كان مستخبى لنا فين ده كله يارب يارب جيب العواقب سليمة
الدكتور بدأ يطمن محمد_ كنا قلقانين من احتمال وجود ڼزيف في المخ لكن الاشعه بينت ان مفيش ڼزيف والموضوع وقتى وهتبدأ تستعيد وعيها
محمد_ الحمدلله الحمدلله
وفعلا بعد يومين بدأت ساره تستعيد وعيها اول ماشافها وهو بتفتح عيونها رمى نفسه علي الارض ساجد لله ومش بيتكلم بس دموعه بتسيل من عيونه على الارض
بعد دقائق
محمد_ ساره انتى سمعانى بصت له وما قدرتش تتكلم
محمد_ حمدالله على السلامه ياحببتي
ساره_ الحمدلله الحمدلله
محمد_ ارجوكى ياساره احكى لي اللي حصل انا بموووت بقالي كام يوم
قبل ما تتكلم دخل ضابط شرطة الدكتور بلغنا انك تقدرى تحكى لنا اللي حصل عايز اعرف كل اللي حصل بالتفصيل
ظهر الڠضب على وش محمد واحمر وشه بشده_ كل ده يطلع منك ياخالد!! اه لو أطول رقبتك كنت قطعتها .. بس انتى غلطتى ياساره
ساره_ انا
محمد_ ليه خبيتى عليا ليه ماصارحتنيش كان ممكن اتصرف قبل ماتحصل كل المصاېب دى
ساره_ عندك حق انا أسفه وأوعدك مش هخبى عليك حاجه تانى
محمد_ حمدالله عالسلامه ياروح قلبي
ساره بابتسامة_ ايه الرضا والحب ده كله لو كنت اعرف كنت رميت نفسي من زمان
محمد_ بعيد الشړ عليكى انا اكتشفت انى بحبك اوي يا ساره
ساره مبتسمه بخبث_ حد يحب الخدامه برده ياسيدى!
محمد بضحك_ لا ده انتى طلع قلبك اسود بقي .. اهو شوفتى محمد الشديد المغرور انتى خلتيه بقي ايه!.. بالحق ياساره انتى كنتي سامعه الحكايه اللي حكتهالك وانتى فى الغيبوبه!
محمد بتنهيده_ طيب الحمد لله
ساره_ حكايه ايه عايزه اسمعها يامحمد بالله عليك احكهالي تانى انا بحب الحكايات أوى
محمد بمرح_ صبرنى يارب انا قاعد مع بنت اختى انتى قلبتى طفله كده ليه!!!
ساره ضاحكه_ بقي كده انا طفله!!
محمد_ لا انتى بنوته زى القمر .. ساره انا حكتلك الدكتور قالي ايه في المستشفى لما قلتله انك مراتى!
ساره_ ايه موضوع الحكايات معاك النهارده !لا ماحكتليش احكيلي
محمد بخبث _ بيقولي مستحيل تبقي جوزها لانها عذراء! عاجبك كده منظرى كان زباله وانا اهلي صعايده ولو عرفوا اننا متجوزين من شهرين ومراتى لسه عذراء ھيدبحونى يرضيكى يدبحونى!
ساره اتكسفت كالعاده وسكتت
محمد_ يالهوى ع القمر وهو مكسوووف وحشتنى النظره دى
رن جرس التليفون رد محمد .. وبعد المكالمه
ساره_ خير يا محمد مين كان بيتكلم!
محمد_ ده الضابط بيقولي ان القضيه خلصت
ساره_ خلصت ازاى!!
محمد_ خالد بعد ماهرب بعد مارميتى نفسك من البلكونه رجع الشركه وقدم استقالته واخد مستحقاته وحجز طياره عشان يرجع مصر وهو في الطريق عمل حاډثه وفضل في المستشفى اسبوع وماټ النهارده
ساره_ وما ربك بظلام للعبيد حسابه عند ربه
محمد_ ايه رأيك نخرج نتعشى ونسهر بره بمناسبه رجعوك بالسلامه!
ساره_ معلش يا محمد مش قادره حاسه انى محتاجه اخد الدواء وانام
محمد_ سلامتك ياحببتي حاسه بحاجه!
ساره_ صداع شديد الدكتور قال انه ممكن يستمر معايا مده
محمد_ ربنا يصرف عنك يا حبيبتي
وقرب منها وباس جبينها وخدها _ادخلي ياساره ارتاحى وانا كمان هاجى معاكى ماتتخيليش النوم من غيرك وحش ازاى
أخدها في حضنه ونام وكل شويه يقلق ويقوم يبص عليها ويرجع ينام تانى وهو فرحااان انها اخيرا رجعت لحضنه تانى
محمد لنفسه_ ان شاءالله بكره ياساره
