اخو جوزي بقلم هويدا زغلول
وينفذه وما يتذاكاش عليا روحي انت
سماح
حاضر حاضر يا بيه وبعدها مشيت بسرعه وطلعت على بيت ابويا فتح ليا وقال
الاب
ازيك يا سماح يا بنتي عامله ايه والله كنت عايزه اجي اشوفك بس قلت بلاش بدل ما اعمل لك مشاكل
سماح
ما فيش داعي تتعب نفسك وتيجي يا بابا انا هاجي اشوفك هنا على طول وخرجت من جوا سعاد وقالت
بس نبويه سابتك تخرجي كده عادي يا سماح مش كنت بتقولي مبهدلاكي ومعذباكي ومشغلاكي خدامه ولا ده كلام كده بتضحكي بيه على ابوك علشان يجيبك تعيشي هنا
سماح
والله عايزه تيجي تشوفي عيشتي هناك ابقي تعالي شوفيها وبعدين يا مرات ابويا انا مش عايزه اقعد عندك خلاص مش عايزه اصطبح بوشك كل يوم
سعاد بعصبيه
شايف بنتك بتقول ايه شايف قله ادبها وعايز كمان اقعدهم في بيتي
ما تنسيش يا مرات ابويا ان البيت ده كان بيت امي الله يرحمها وانت جيتي قعدت فيه يعني البيت مش بيتك ولا بيته ده بيت امي يعني بيتي وكرما مني انا سايباك قاعده في لغايه دلوقتي
سعاد
شوفوا بجاحه البنت وقله ادبها يا ولاد امك يا اختي هي امك دي كانت حالتها حاجه
سماح
والله يا مرات ابويا عقد الشقه اللي معايا في البيت يثبت ان الشقه دي ملك امي وانت قاعده فيها يعني لو رحت جبت الحكومه دلوقتي وخرجتك انت وابويا حقي بما ان بنتها الوحيده
سامع كلام بنتك شايف بتقول ايه وانت ساكت ليه ما ترد عليها
الاب
كفايه بقى يا سعاد كفايه يا سماح انا راجل تعبان مش قادر على اللي انتم بتعملوه ده
سماح
طيب يا بابا انا ماشيه وهكفي خير شړ وهسكت
يلا فوتكم بعافيه
سعاد
في 60 داهيه اياك تيجي هنا تاني
الاب
كفايه بقى يا سعاد كفايه انت ايه ما بتزهقيش ارحميني بقى
انت ما قدرتش على بنتك وهي بتتكلم جاي تتكلم معايا انا انا سايباك يا اخويا وداخله اوضتي بلا ۏجع دماغ
الاب بتعب
سعاد الحقيني مش قادر اخد نفسي يا سعاد يا سعاد قلبي قلبي
وفي في شقتي الباب خبط و امير فتح الباب
امير
اهلا يا عمو اتفضل
محمود
خد اخواتك يا امير وانزل عند ستك عيالي قاعدين تحت اقعدوا العبوا سوا تحت ستكم عايزه تشوفكم عشان مش قادره تطلع السلم
حاضر هاخد اخواتي وننزل دلوقتي بس ماما
بتصلي لما تخلص صلاه هقولها ومنزل عالطول
محمود
ماشي يا قلب ماما ربنا يخليها ليك وبعدها مشي
و شويه واحنا كلنا نزلنا واول لما
دخلت عند حماتي لقيت محمود بيتصل
محمود
ايه اللي خلاكي تنزلي تحت اطلعي شقتك عايزك
سماح بتوتر
احنا لسه نازلين هطلع اعمل ايه فوق
بقول لك ايه ما تجننيش عليك بقول لك اطلعي فورا بدل ما ټندمي
سماح بړعب
حاضر حاضر هطلع اهو
سماح شافت حماتها مشغوله مع ماجده وعيالها مشغولين مع اولاد عمهم اتسحبت لغايه ما طلعت فوق وفتحت باب شقتها ودخلت ومحمود دخل وراها
سماح بړعب
في ايه يا محمود انت ماسكني كده ليه وكلمتني في التليفون بالطريقه دي كده ليه انا عملت ايه
محمود
اسمعي بقى يا بنت لو كان اخويا سيد الله يرحمه اهبل وكان بيصدقك وماشي وراكي زي العبيط انا مش زيه ده انا اوديك البحر وارجعك عطشانه
سماح
انا مش فاهمه انت عايز ايه بالظبط انا ما عملت لكش حاجه
محمود بعصبيه قرب منها
ها اداكي كام
سماح
هو مين ده بس يا محمود
محمود بعصبيه
انت هتستعبطي يا روح امك انت عارفه كويس قوي انا بتكلم عن ايه بقول لك اداكي كام طلعي الفلوس يا بت انا عرفت انك كنتي عندو
سماح بعياط
بقى كده يا محمود طب والله ما اداني حاجه
محمود بعصبيه
يعني
