في يوم ذهب زوجي للعمل
بتلقائيه والله الظاهر طلع اسمه في القرعه وطلع رحله
ملك بعدم فهم بتقول ايه يا دكتور حسن
كاران بسرعه باباك جاء له تليفون مهم وقال ان هو لازما ينزل حالا !! انا هبعت معاكي حد من الرجاله يوصلك لحد البيت
ملك مشيت وهي مش فاهمه حاجه ولا ايه اللي بيحصل
في فيله الشهاوي
تفتح الستائر وتدخل الشمس في كل اركان الاوضه
امل تشد اللحاف من عليها احنا خلاص بقينا الظهر يلا قومي عشان تفهميني ايه اللي بيحصل واللي رجعك البيت متاخر كده انت اتخانقتي مع سبع البرمبه
صبا بنعس ماما ممكن لو سمحت تسيبيني انام ولما اصحى نتكلم في كل اللي انت عايزاه
امل باصرار قلت لك قومي واتكلمي معايا زي البني ادمين انت اتخانقتي معاه وبعدين انت كنت عارفه ان طاهر مضړوب بالڼار وانه رجع هو
صبا بضيق طب يا حبيبتي ما انت الاخبار كلها عندك اهو عايزه مني ايه
امل تشد اللحاف من عليها عايزه افهم ايه اللي بيحصل انتوا عرفته مين اللي كان خاطفهم
صبا تقعد على السرير وترجع شعرها لورا لا يا ماما
ما عرفناش مين اللي خطڤهم بس ادعي ربنا ان جدو
ما يكونش له يد في الموضوع ده
امل بطيبه جدك طالما قال ما لوش دخل بالموضوع ده يبقى ما لوش دخل بالموضوع ده ولا هو المحروس جوزك عايز يرمي التهمه على اي حد
امل جدك نزل الشركه من الصبح لان بيقول عنده مشكله في الشغل وشايط وعلى اخره مش طايق يشوف حد قدامه
صبا في داخلها اكيد جدو ليه علاقه بالموضوع ده هو كمان
امل بتنبيه يلا قومي اغسلي وشك وانزلي نفطر سوا
صباب ابتسامه خفيفه تمام يا ماما زين هنا ولا نازل الجامعه
امل وهي تخرج من الاوضه لا قاعد تحت بيقول ما عندوش محاضرات النهارده
صبا تتجه الى الحمام لتغتسل وتنزل تفطر معهم
في الريسبشن
مالك بابتسامه صباح الخير يا زينو فطرته ولا لسه
زين وهو يقلب في تليفونه مساووو يا لوك حماتك بتحبك مرت عمك لسه بتجهز في الفطار تعال
مالك هيا صبا بايته هنا من ليله امبارح
زين يقفل تليفونه ويبص له بنظره يفهمهاطب ما هي العصفوره بتاعتك بتبلغك اول باول اهو اللي بيحصل بتسال ليه بقي
زين يقطعه بلاش تتحمس قوي كده انت اكتر واحد عارف صبا اهدى فاهمني !!اهدى
مالك انا بوعدك ان هي هترجع هنا على طول وقريب قوي
زين بشك انت ناوي على ايه تاني يا باشمهندس مش كفايه اللي حصل لحد كده
مالك بفرحه اول ما يشوفها نازله ويقول بصوت منخفض خلاص غير الموضوع نتكلم بعدين
صبا صباح الخير يا مالك كويس انك جيت كنت هكلمك في التليفون
مالك ونبضات قلبه غير منتظمه انا دايما قريب منك في اي وقت هتحتاجيني فيه هتلاقيني
صبا بعدم اهتمام لكلامه تواجه كلامها لزين حبيبي قول له ماما ان احنا قاعدين شويه في الجنينه علي مالفطار يجهز
يخرجوا بعد كده ويقعدوا في الجنينه ومالك كان طاير من السعاده وكانها قالت له تعالى نتجوز مش تعالى نقعد شويه في الجنينه
صبا تخش في الموضوع فورا انا عايزه افهم اللي انت عملته مع ملك ده كان ليه وانت عارف ان هي وطاهر بيحبوا بعض ومرتبطين
مالك بهدوء اولا انا كنت اعرف ان هم بيحبوا بعض من ايام الجامعه لكن ان هم مرتبطين لحد دلوقت انا
ما كانش عندي علم بالموضوع ده !! وفكرت ان هم سابوا بعض من زمان بسبب طبعا الخلافات اللي بين العيلتين
صبا بشك طيب علشان نقفل الموضوع ده نهائي ملك تنسى موضوع خطبتها ده وطاهر تسحب الشكوى اللي انت مقدمها ضده
مالك من غير ما تقولي يا بنت عمي انا سحبت الشكوى اللي قدمتها ضد طاهر وموضوع ملك انا هكلم جدو يقفله مع عمي خالد
صبا مستغربه من استسلامه طيب كويس والله انك عملت كده من نفسك بس ممكن اعرف بقى ايه الخطه الجديده اللي انت عايز تعملها
مالك يقرب منها ويمسك ايدها صدقيني انا مش هعمل اي حاجه تاني تزعلك مني
تسحب ايدها منه مالك اسمع مني الكلمتين دول وصدقني لو ما كنتش تهمني ما كانش هتفرق معايا ان انا اقولهم لك
مالك بابتسامه وانا سامعك واي حاجه هتقوليها انا هعملها
صبا ترسل تنهيده بص يا مالك شغل السهوكه بتاعك ده معايا بلاش منه !!تمام ويا ريت لو تحاول تشوف حياتك بعيد عني وعن ملك وانا عارفه ان انت وماما ما شاء الله الكيمياء عاليه بينكم لو قلت لها تدور لك على عروسه صاحبتها كتير وعندهم بنات زي القمر خليها تشوف لك واحده منهم وحل عن
دماغي !!!!
تنهي كلامها وتسيبه وتقوم
مالك انت عروستي وانت قمري انت مش
